काठमाडौं, १४ पुस। माइतीघरको आन्दोलनमा सहभागी ६५ वर्षीय उखु किसानको हृदयघातबाट निधन भएको छ ।
बक्यौता माग गर्दै १६ दिनसम्म माइतीघरको आन्दोलनमा सहभागी उनको मंगलबार निधन भएको हो । सर्लाही धनकौल छोटवल टोलका नारायण राय यादवको आज बिहान शहीद गंगालाल हृदय रोग केन्द्रमा उपचारका क्रममा निधन भएको बताइएको छ ।
मंगलबार विहान हृदयघात भए लगतै उजलाई चाबहिलको हेल्पिङ ह्याण्ड अस्पताल पुर्याएको र त्यहाँबाट अस्पतालले गंगालल रिफर गरेको जनाइएको छ ।

अस्पताल पुर्याएको दुई घण्टामा उनको निधन भएको आन्दोलनमा सहभागी उनका साथीहरुले बताए । उनी मंसिर २८ गतेदेखि नै माइतीघरको किसान आन्दोलनमा सहभागी थिए ।




