काठमाडौं, २९ मंसिर । देशमा पश्चिमी वायुको आंशिक प्रभाव रहेकोले हाल देशको पहाडी भूभागमा आंशिक बदली रहेको मौसम पूर्वानुमान महाशाखाले जनाएको छ ।
महाशाखाका अनुसार काठमाडौं उपत्यकाको आजको न्यूनतम तापक्रम ४ डिग्री सेल्सियस रहेको छ । यो वर्षको आजसम्मको सबैभन्दा कम तापक्रम हो । विभागले दिउँसो काठमाडौं उपत्यकाको अधिकतम तापक्रम २०—२१ डिग्री सेल्सियस पुग्ने अनुमान गरेको छ ।

साथै, देशभरका पहाडी क्षेत्र र प्रदेश १ मा आंशिक बदली भए पनि अरु क्षेत्रको मौसम सोमबार सामान्यतया सफा रहने मौसम पूर्वानुमान महाशाखाले जनाएको छ ।




