विराटनगर, ७ मंसिर । नोबेल मेडिकल कलेज विराटनगरमा उपचाररत एक जना जनस्वास्थ्य अधिकृतको कोरोना संक्रमणको कारण ज्यान गएको छ ।
कोरोनाबाट ज्यान जाने उनी सप्तरीको राजविराज वडा नम्बर २ घर भएका जनस्वास्थ्य अधिकृत गौरीशंकर देव हुन् । उनको मृत्यु शनिबार भएको हो

५० वर्षीय देव सिरहाको कल्याणपुर नगरपालिकाका स्वास्थ्य शाखा प्रमुख थिए । दुई साताअघि कोरोना पोजेटिभ देखिएपछि उनी विराटनगरको नोबेल अस्पतालमा उपचार गराइरहेका थिए ।
उपचारकै क्रममा शनिबार राति देवको मृत्यु भएको हो ।




