पूर्वसमूहसँग समीकरण बनाएर खेल्न खोज्दा विभाजनको दुर्भाग्य : ईश्वर पोखरेल
काठमाडौं, १७ कात्तिक । सत्तारुढ नेपाल कम्युनिस्ट पार्टी (नेकपा) का सचिवालय सदस्य तथा उपप्रधानमन्त्री ईश्वर पोखरेलले पार्टी एकता हुनुभन्दा पहिलेका समूहसँग समीकरण बनाएर खेल्न खोज्दा विभाजनको दुर्भाग्य निम्तिन लागेको बताएका छन्।
‘एकताका बेला गरिएको सहमति विपरीत पूर्व समूहभित्रको आवद्धताका आधारमा समीकरण बनाएर खेल खेल्न खोज्दा विभाजनको दुर्भाग्य निम्तिन लागेको हो’, ट्विटरमा पोखरेलले लेखेका छन्।
उनले विभाजनको दुर्भाग्य निम्त्याउनेहरूलाई सबैले बेलैमै चिनौं, खबरदारी गरौं भन्ने आग्रह गरेका छन्। ‘व्यक्तिगत स्वार्थका कारण यसो गर्नेहरूको विरोध गर्दै पार्टी एकतालाई बचाऔं’, उनको आग्रह छ।
पछिल्लो समय नेकपा अध्यक्षद्वय केपी शर्मा ओली र पुष्पकमल दाहालबीच विवाद चुलिँदै गएको छ । गत शनिबार दुई अध्यक्षबीच भेट भएको थियो । भेटमा प्रचण्डले प्रधानमन्त्री पद मागेको समेत समाचारहरू बाहिरिएका थिए ।
आइतबार खुमलटार भेलामा प्रचण्डले दुई अध्यक्षबीचको भेटलाई ब्रिफिङ गर्दै ओलीले पार्टी फुटाउन चाहेको बताउनुभएकाे थियाे ।
सम्बन्धित समाचार
शीर्षकहर
थप
