सुर्खेतमा बेपत्ता आमा छोरीकाे शव भेटियाे
वीरेन्द्रनगर, १५ असाेज । असोज ३ गते रातिदेखि बेपत्ता भएकी आमा छोरी मृत अवस्थामा भेटिका छन्। गुर्भाकोट नगरपालिका-११ की २३ वर्षीया पुष्पा पुन असोज १४ गते बुधबार र उनकी छोरी प्रमिशा ६ गते मृत अवस्थामा भेटिएका हुन्।
पुष्पाको शव भेरीगंगा नगरपालिका-९ चिप्ले नजिकै भेरी नदी किनारमा भेटिएको जिल्ला प्रहरी कार्यालय सुर्खेतका प्रवक्ता रामबहादुर घर्तीले जानकारी दिए।
आमा छोरीको शव छुट्टाछुट्टै मितिमा भेरी नदी किनारमा भेटिएको उनको भनाइ छ। उनका अनुसार असोज ३ गते राति लेकवेंशीबाट आमा छोरी बेपत्ता भएका थिए।
उक्त विषयमा थप अनुसन्धान भइरहेको प्रहरीले जनाएको छ।
सम्बन्धित समाचार
शीर्षकहर
थप
