स्थानीय र प्रहरीबीच भनाभनसँगै लाठी चार्ज, गाउँलेले ढुंगामुढा गर्दा प्रहरी निरीक्षकसहित पाँच घाइते
जनकपुरधाम, २२ भदौ । धनुषामा स्थानीय र प्रहरीबीचको विवादमा प्रहरी निरीक्षकसहित पाँच जना घाइते भएका छन् ।
स्थानीय र प्रहरीबीच भनाभनसँगै लाठी चार्ज भएपछि गाउँलेले ढुंगामुढा गर्दा इलाका प्रहरी कार्यालय सखुवा महेन्द्रनगरका २ प्रहरी र तीन जना स्थानीय घाइते भएका जनाइएको छ।
धनुषाको बटेश्वर गाउँपालिका–५ शान्तिपुरमास्थित औरही खोलामा बगेर आएको सखुवाको काठ लैजाने क्रममा विवाद भएको बताइएको छ।
औरही खोलामा बगेर आएको सखुवा काठको गोलिया लैजाने विषयमा आइतबार राति साढे १० बजेको समयमा प्रहरी र स्थानीयबीच झडप भएको जनाइएको छ।
प्रहरी निरीक्षक दीपक राय र प्रहरी जावन रामविश्वास परित घाइते भएको बताइएको छ ।
सम्बन्धित समाचार
शीर्षकहर
थप
