काठमाडौंमा ३ सहित १४ जना कोरोना संक्रमितको मृत्यु
काठमाडौं, १९ भदौ । पछिल्लो २४ घण्टामा नेपालमा कोरोना भाइरसको संक्रमणबाट थप १४ जनाको मृत्यु भएको छ। शुक्रबार स्वास्थ्य मन्त्रालयका प्रा.डा जागेश्वर गौतमले दिएको जानकारीअनुसार थप १४ जनाको मृत्यु भएको हो।
योसँगै यसको संक्रमणबाट मृत्यु हुनेको संख्या दुई सय ७१ पुगेको हो।
मृत्यु हुनेमा चार जना महिला छन्। उनीहरूमध्ये ८२ वर्षीया, ६७ वर्षीया र २२ वर्षीया काठमाडौंका हुन् भने एक जना ३५ वर्षीया महिला चितवनका हुन्।
प्रवक्ता गौतमका अनुसार १० जना पुरूष छन्। उनीहरू दुई जना सप्तरीका ५५ वर्षीय, धनुषाका ६५ वर्षीय, कास्कीका ३१ वर्षीय, नवलपरासीका ३७ वर्षीय, प्युठानका ५७ वर्षीय, रूपन्देहीका ७८ वर्षीय, पाल्पाका ६३ वर्षीय र सुर्खेतका ४२ वर्षीय छन्।
पछिल्लो २४ घण्टामा १ हजार ३ सय ५९ जना संक्रमित थपिएका छन्। जसमध्ये काठमाडौं उपत्यकामामात्रै ४ सय ५४ जना छन्। कुल संक्रमितको संख्या ४४ हजार २ सय ३६ पुगेको छ।
सम्बन्धित समाचार
शीर्षकहर
थप
