पर्सामा कोरोना संक्रमणबाट १८ वर्षीया युवतीको मृत्यु, ज्यान जनाको संख्या १३ पुग्यो
वीरगञ्ज, २१ साउन । पर्सामा पखाला लागेर अस्पताल लैजाँदै गर्दा बीच बाटोमा नै ज्यान गएको एक युवतीमा कोरोना संक्रमण पुष्टि भएको छ ।
उनको मृत्यु गत सोमबार भएको थियो । पर्साको पोखरिया नगरपालिका–९ मा बस्दै आएकी १८ वर्षीया युवतीको कोरोना संक्रमणबाट मृत्यु भएको जनाइएको छ ।
उपचारका लागि सोमबार नेशनल मेडिकल कलेज लैजाँदै गर्दा उनको बाटोमै मृत्यु भएको थियो । मेडिकल कलेजमा स्वाब संकलन गरेर नारायणी अस्पतालको प्रयोगशालामा परीक्षण गर्दा मंगलबार राति उनको रिपोर्ट पोजेटिभ आएको नारायणी अस्पतालले जानकारी दिएको छ ।
पोखरिया–८ जगतपुर घर भएको उनी पोखरिया–९ स्थित मामा घरमा बस्दै आएकी थिइन् । उनी संगै कोरोना संक्रमणबाट पर्सामा अहिलेसम्म १३ जनाको ज्यान गएको छ।
सम्बन्धित समाचार
शीर्षकहर
थप
