त्यस्तै राप्रपाका अध्यक्ष कमल थापाले लेखेका छन्, ‘प्रम मको स्तरबाट यस्ता उटपट्यांग, अपुष्ट र अप्रमाणित कुरा आउनु सर्वथा उपयुक्त छैन । भारतसँग सम्बन्ध सुधार्ने भन्दा बिगार्ने तर्फ प्रमको ध्यान गए जस्तो लाग्छ । नक्सा प्रकाशित गरेर अतिक्रमित भूमी फिर्ता ल्याउने प्रयास गर्न छाडेर दुई देशको सम्बन्धमा अनावश्यक विवाद सिर्जना गर्नु राम्रो होइन ।’

प्रधानमन्त्री ओलीले दिएको राम नेपालको अयोध्यापुरीमा जन्मिएको भन्ने अभिव्यक्ति प्रति सर्वत्र आलोचना

२०७७ आषाढ ३० गते ४:३७

काठमाडौं, ३० असार । प्रधानमन्त्री केपी शर्मा ओलीले त्रेतायुगका राम नेपालमा जन्मिएको अभिव्यक्ति दिएपछि भारत मात्र नभइ नेपालमा पनि उनको चर्को आलोचना हुन थालेको छ ।

प्रधानमन्त्री ओलीले राम पर्सा जिल्लाको अयोध्यापुरीमा जन्मिएको अभिव्यक्ति दिएको थियो । उनलाई पूर्वप्रधानमन्त्री डा. बाबुराम भट्टराईले आफ्नो ट्वीटरमार्फत आधी कवि ओलीकृत कलीयुगीन नयाँ रामायण श्रवण गरौं ! सिधै बैकुण्ठधामको यात्रा गरौं भनेका छन् ।

उनले ट्वीटरमा लेखेका यो पनि लेखेका छन्– ‘संसदमा ‘सिंहमेव जयते’ र बेसार–पुराणदेखि अयोध्या–पुराणसम्म आउँदा वहाँको चिन्तनप्रणाली स्वस्थ देखिन्न । संसद स्थगन गरेर अध्यादेश र संकटकालको ‘खड्ग’ समेत वहाँको हातमा छ १ अब वहाँलाई छाडा छोड्नु खतरनाक हुनेछ ! उपचार खोजौं ।’