फेरि १७ जना कोरोना संक्रमित फेला, संक्रमित को संख्या ४ सय ४४ पुग्यो
काठमाडौं ८ जेठ । आज विहान फेरि १७ जना कोरोना भाइरसको संक्रमित थपेका छन् ।
झापा, धनकुटा र सुनसरी जिल्लामा १७ जना कोरोना संक्रमित थपिएसँगै नेपालमा कोरोनाबाट संक्रमण हुनेको संख्या ४ सय ४४ पुगेको छ ।
स्वास्थ्य तथा जनसंख्या मन्त्रालयकाका अनुसार झापाको कचनाकवल गाउँपालिकामा १५ जनामा कोरोना भाइरस संक्रमण पुष्टि भएको छ । संक्रमितहरु कचनाकवल गाउँपालिकाको वडा नम्बर ३, ६ र ८ का १८ वर्षदेखि ४६ वर्ष उमेर समूहका पुरुषहरु छन् ।
यस्तै धनकुटा निवासी ३४ वर्षीय पुरुष र सुनसरीको धरान उपमहानगरपालिका निवासी ५१ वर्षीया महिलामा पनि कोराना पुष्टि भएको जनाइएको छ ।
संक्रमितहरुको परीक्षण बीपी कोइराला स्वास्थ्य विज्ञान प्रतिष्ठान धरान र प्रादेशिक जनस्वास्थ्य प्रयोगशाला विराटनगरमा गरिएको परीक्षणमा १७ जना नयाँ संक्रमित फेला परेका हुन् ।
सम्बन्धित समाचार
शीर्षकहर
थप
