गहिरो आर्थिक संकटबारे प्रधानमन्त्री प्रचण्ड निरन्तर छलफलमा, भोलि निजी क्षेत्रसँग छलफल
काठमाडौं,सोमबार, मंसिर ४, २०८०। प्रधानमन्त्री ‘प्रचण्ड’ ले सोमबार विभिन्न विषयगत मन्त्रालय, राष्ट्रिय योजना आयोग, नेपाल राष्ट्र बैंकलगायत निकायसँग छलफल गरेका छन् । देशको आर्थिक अवस्था नसुध्रेपछि तनावमा परेका प्रधानमन्त्री पुष्पकमल दाहाल प्रचण्डले यो संकटबाट पार पाउन निरन्तर छलफलमा जुटेका हुन्। बाह्य आर्थिक सूचाकांकहरू सकरात्मक देखिए पनि आन्तरिक सूचाकांक नकरात्मक छन् । मुख्य समस्या उत्पादनमा कमी, लगानीकर्ता र उपभोक्ताको मनोविज्ञानमा देखिएको कमजोर आत्मविश्वासले अर्थतन्त्र चलायमान हुन सकेको छैन । निजी क्षेत्र र उपभोक्ताको मनोबल बढाउने गरी सरकारले आवश्यक कदम चाल्नुपर्ने अवस्था छ ।
प्रधानमन्त्री प्रचण्डले आर्थिक संकटबारे दलहरूसँग पनि छलफल गर्ने यसअघि नै बताएका थिए । त्यसअघि उनले क्षेत्रगत रुपमा छलफल गरी आवश्यक रणनीति बनाउन लागेका हुन् । उनले भोलि निजी क्षेत्रका प्रतिनिधिसँग छलफल गर्ने प्रधानमन्त्रीको सचिवालयले जनाएको छ । उद्योगी, व्यवसायीहरूको चिन्ताको विषयमा प्रधानमन्त्रीले उनीहरूलाई आस्वस्त पार्ने प्रयास गर्नेछन् । क्षेत्रगत छलफलपछि प्रधानमन्त्रीले सत्ता साझेदार दल र विपक्षी दलहरूसँग पनि छलफल गर्नेछन् ।
सम्बन्धित समाचार
शीर्षकहर
थप
