मेयर हर्क साम्पाङले धरानमा एयरपोर्ट बनाउन पर्यटन मन्त्री सुदन किरातीलाई लेखे पत्र
काठमाडौं, २२ कात्तिक,बुधबार। नेपाल सरकारका संस्कृति, पर्यटन तथा नागरिक उड्डयन मन्त्री सुदन किरातीलाई धरान उपमहानगरपालिकाका मेयर हर्क साम्पाङले पत्र लेखी धरानमा एयरपोर्ट बनाउन पहल गरिदिन आग्रह गरेका छन् । मेयर साम्पाङले धरान–१७ मा एयरपोर्ट बनाउन यती इन्करपोरेटेड प्रालिबाट जग्गा खरिद भएको भएपनि हालसम्म एयरपोर्ट निर्माण नभएको भन्दै पत्र लेखेका हुन् ।
मेयर साम्पाङले उक्त पत्रमा एयरपोर्ट नबनेपछि एयरपोर्टका लागि भनेर जग्गा विक्री गरेका धनीहरुले जग्गा फिर्ता गराउन पटक–पटक निवेदन दिइरहेको समेत उल्लेख गरेका छन् । एयरपोर्ट निर्माणका लागि यती इन्करपोरेटेडले २० वर्ष अघिनै जग्गा खरिद गरेको भएपनि अहिलेसम्म उक्त कार्य अगाडि नबढेको मेयर साम्पाङको भनाई छ ।
सम्बन्धित समाचार
शीर्षकहर
थप
