नेपाल प्रहरी र सशस्त्र प्रहरी आइजीपीले थालेका यस्ता छन् नयाँ सुधार अभियान-

`

     २०७९ ज्येष्ठ २८ गते ८:०७

काठमाठौं, २८ जेष्ठ । एकै दिन नियुक्त भएका नेपाल प्रहरी र सशस्त्र प्रहरी बलका दुवै महानिरीक्षकले विभिन्न टिमहरु बनाएर सुधार र नयाँ योजना अघि बढाएका छन् । नेपाल प्रहरी र सशस्त्र प्रहरी बलका दुवै महानिरीक्षकले संगठनभित्र सुधारको काम थालेका हुन्। नेपाल प्रहरीका महानिरीक्षक धिरजप्रताप सिंहले बजेटको मितव्ययी खर्चका लागि ८ वटा अनुगमन टोली खटाएका छन् । खासगरी निर्वाचनमा प्रचलित आर्थिक नियमावलीअनुसार खर्च गरे–नगरेको अनुगमनका लागि उनले टोली खटाएका हुन् । साथै बढुवामा विगतमा जस्तो ब्याच नै उछिन्ने प्रवृत्ति रोक्ने प्रतिवद्धता समेत उनले जनाएका छन् ।

महानिरीक्षक भएलगत्तै चुनावी सुरक्षामा केन्द्रीत भएका उनी हाल सुधारको काममा अघि बढेका छन् । प्रहरीमा सरुवा–बढुवाका लागि नेताको घर धाउनु नपर्ने प्रणाली विकास गरिने उनको प्रतिवद्धता छ । गत बुधबार पत्रकार सम्मेलनको आयोजना गरी उनले अपराध अनुसन्धानको प्रणालीमा पनि सुधार गरिने बताएका छन् ।

त्यस्तै सशस्त्र प्रहरीका महानिरीक्षक राजु अर्यालले पनि कर्मचारीको हितमा १० बुँदे निर्णय गराई त्यसको कार्यान्वायन थालेका छन् । जसमा बिएमआई कार्यान्वायन गर्नेदेखि ब्यारेकहरुमा कर्मचारीका आफन्त बस्ने ठाउँ मिलाउनेसम्मका प्रावधान छन् । फ्रेन्च भाषा बोलिने शान्ति मिसनलाई प्राथमिकतामा राखी कर्मचारीलाई फ्रेन्च पठाउन पनि थालेका छन् ।

महानिरीक्षक अर्यालले घुमुवा राखेर अवैध गतिविधिमा लगाउने प्रवृत्ती रोक्न देशभरीका घुमुवालाई तानेर नियमित डिउटीमा खटाएका छन् । सूचना संकलनकै लागि मात्र प्रयोग गर्न इन्टेलिजेन्स तालिम गरकोलाई मात्र खटाउने गरी उनले संस्थागत सुधारको थालनी गरेका हुन् ।

यो खबर पढेर तपाईलाई कस्तो महसुस भयो ?