नेप्सेमा १७ अंकको गिरावट
काठमाडौं, जेठ २६ । विहिबार नेप्सेमा १७ अंकमाथिको गिरावट आएको छ ।
नेपाल स्टक एक्सचेन्जका अनुसार आज बिहीबार नेप्से परिसूचक १७.६४ अंकले घट्दै २०६२.८० अंकमा झरेको हो ।
यस्तै आज क वर्गको सेन्सेटिभ इन्डेक्स समेत ४.०१ अंकले घट्दै ३९६.३६ अंकमा झरेको नेप्सेले जनाएको छ ।
१७ अंकमाथिले नेप्से सूचक घटेसँगै यता कारोबार रकम समेत केही घट्न पुगेको छ । आज १ अर्ब ४७ करोड २६ लाख रुपैयाँको सेयर कारोबार भएको छ । अघिल्लो दिन ६० अंकले बढेको बजारमा १ अर्ब ६४ करोड ३ लाख रुपैयाँको कारोबार भएको थियो ।
आज १३ वटा उपसूचक मध्ये ट्रेडिङ बाहेक सबै उपसूचक ऋणात्मक भएका छन् । आज सबैभन्दा बढी डेभलपमेन्ट बैंक समूहको उपसूचक २।०२ प्रतिशतले घटेको छ भने हाइड्रोपावर समूहको १.६५ प्रतिशतले र होटल तथा पर्यटन समूह १।४४ प्रतिशतले घट्न पुगको छ ।
ट्रेडिङ समूह भने आज सामान्य ९०.१२० प्रतिशतले बढेको छ ।
सम्बन्धित समाचार
शीर्षकहर
थप
