चालु आर्थिक वर्षको १० महिनामा लक्ष्यको ९० प्रतिशत राजस्व सङ्कलन

`

     २०७९ ज्येष्ठ ०५ गते ३:५९
  • 6
    Shares

काठमाडौँ, ५ वैशाख । आन्तरिक राजस्व विभागले चालु आर्थिक वर्षको १० महिना अवधिमा लक्ष्यको ९० प्रतिशत राजस्व संकलन गरेको छ । वैशाख मसान्तसम्म ४ खर्ब २० अर्ब १८ करोड रुपैयाँ बराबर राजस्व संकलन लक्ष्य राखेको विभागले ३ खर्ब ३७ अर्ब ९३ करोड रुपैयाँ बराबर असुली गरेको हो ।

गत आर्थिक वर्षको सोही अवधिको तुलनामा भने यस वर्षको राजस्व संकलन १० प्रतिशत बिन्दुले बढी हो ।

आयकर, मूल्य अभिवृद्धि र अन्तस्शुल्क तीन वटै शीर्षकको राजस्व संकलन लक्ष्यभन्दा न्यून छ । वैशाख मसान्तसम्ममा २ खर्ब २४ अर्ब ५७ करोड रुपैयाँ बराबर आयकर संकलन लक्ष्य राखिएकोमा ८८ प्रतिशत अर्थात् १ खर्ब ७३ अर्ब ६३ करोड रुपैयाँ बराबर उठेको छ । त्यस्तै, भ्याटतर्फ वैशाख मसान्तसम्ममा १ खर्ब ६ अर्ब ९ करोड रुपैयाँ बराबर राजस्व उठाउने लक्ष्य राखिएकोमा ८५.३२ प्रतिशत अर्थात ९० अर्ब ५१ करोड रुपैयाँ बराबर संकलन भएको छ । अन्तस्शुल्कतर्फ भने ९७.०७ प्रतिशत राजस्व संकलन भएको छ । १० महिनामा ८५ अर्ब ८१ करोड रुपैयाँ बराबर अन्तस्शुल्क असुली लक्ष्य रहेकोमा ८३ अर्ब ३० करोड रुपैयाँ असुली भएको हो ।

शिक्षा र स्वास्थ्य सेवामा लाग्ने कर भने लक्ष्यभन्दा बढी उठेको विभागले जनाएको छ । हालसम्म स्वास्थ्य सेवा करतर्फ ५ अर्ब ३२ करोड र शिक्षातर्फ ८९ करोड रुपैयाँ बराबर असुली भएको छ । चालु आर्थिक वर्षका लागि कुल ५ खर्ब ३७ अर्ब रुपैयाँ बराबर आन्तरिक राजस्व उठाउने लक्ष्य राखिएको छ ।

यो खबर पढेर तपाईलाई कस्तो महसुस भयो ?