अमेरिकाले ५ वर्षमा ६५ करोड ९० लाख अमेरिकी डलर विकास सहायता उपलब्ध गर्ने
काठमाडौँ, बैशाख २२ । नेपाल र अमेरिकाबीच नयाँ पाँच वर्षे विकास सहायता सम्झौता भएको छ ।
अर्थ मन्त्रालय र अमेरिकी अन्तर्राष्ट्रिय विकास नियोग (युएसएआइडी) बीच आज उक्त सम्झौता भएको हो । सम्झौतामा दुवै देशका सम्बन्धीत अधिकारीले हस्ताक्षर गरेका थिए ।
सम्झौता अनुसार पाँच वर्षको अवधिमा अमेरिकाले ६५ करोड ९० लाख अमेरिकी डलर विकास सहायता नेपाललाई उपलब्ध गराउने छ ।
उक्त अनुदानले नेपाललाई मध्यम आय भएको देश बनाउन सघाउने अर्थ मन्त्रालयद्वारा आज जारी विज्ञप्तिमा उल्लेख छ ।
सहायता रकम रेड बुकमा रेकर्ड गरिनेछ र बजेट भित्र र बाहिर रहेर खर्च गरिने जनाइएको छ ।
युएसएआइडीले यस सहायता सम्झौता अन्तर्गत सम्बन्धीत मन्त्रालयहरूसँगको सहकार्यमा परियोजनाहरू विकास गर्नेछ र कार्यान्वयनमा ल्याउनेछ ।
पहिलो पटक अमेरिकी सहयोग पूर्ण रूपमा नेपाल सरकारको रेड बुकमा प्रतिबिम्बित हुने भएकाले सहायता सम्झौता दुवै सरकारका लागि प्रस्थान सम्झौता भएको अर्थ मन्त्रालयको अन्तर्राष्ट्रिय आर्थिक सहयोग समन्वय महाशाखाका सहसचिव ईश्वरीप्रसाद अर्यालले बताए ।
सम्बन्धित समाचार
शीर्षकहर
थप
