मालीमा शान्ति सैनिक माथि हमला, ७ को मृत्यु ३ घाइते

`

     २०७८ मंसिर २३ गते ७:३५

एजेन्सि, २३ मंसिर। मालीमा संयुक्त राष्ट्रसंघका ७ शान्ति सैनिक मारिएका छन् ।

मालीमा खटेको शान्ति मिसन मिनुस्माका ७ जना सैनिक मारिएको भने तीनजना गम्भीर रुपमा घाइते भएको शान्ति मिसनले जनाएको छ । बुधबार ती सैनिक मालीको राजधानी बामाकोनजिकै भएको आक्रमणमा मारिएका हुन् ।

मालीको सो संयुक्त राष्ट्रसंघीय मिसनले सहायता सामग्री बोकेर डोजेन्टा नगरबाट गइरहेका बेला सवारी साधनमाथि नै हमला गरिएको थियो । सो हमलामा परी सात जना शान्ति सैन्य मारिएका र अरु तीन जना गम्भीर रुपमा घाइते भएका यहाँको सो मिसनले विज्ञप्ति प्रकाशन गरी जानकारी दिएको छ ।

यसअघि पनि मालीको शान्ति मिसनलमा यसैगरी हमला हुने गरेको छ । जसमा परेर कैयौँ सैनिक मारिएका छन् । सो शान्ति मिसनमाथि भएको हमलाको संयुक्त राष्ट्रसंघीय महासचिव एन्टोनियो गुटर्रेसले निन्दा गरेका छन् । उनले शान्ति स्थापनाका लागि खटेका सैनिकमाथिको हमला निन्दनीय रहेको बताएका छन् ।

यो खबर पढेर तपाईलाई कस्तो महसुस भयो ?