पछिल्लो २४ घण्टामा देशभर थप ८१५ जनामा कोरोना संक्रमण पुष्टि
काठमाडौं, साउन २६ । पछिल्लो २४ घण्टामा देशभर एकै दिनमा थप ८१५ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ४ हजार ५३४ जनाको आरटी पीसीआर र एन्टिजेन विधिबाट परीक्षण गर्दा ८१५ जनामा कोरोना संक्रमण पुष्टि भएको हो ।
मन्त्रालयका अनुसार २ हजार ४११ जनाको पीसीआर विधिबाट परीक्षण गर्दा ४ सय ६५ जना र २ हजार १२३ जनाको एन्टिजेन विधिबाट परीक्षण गर्दा ३५० जनामा कोरोना पुष्टि भएको हो । योसँगै नेपालमा कोरोना संक्रमितको कुल संख्या ११ लाख ३८ हजार ४४५ पुगेको छ ।
योसँगै नेपालमा सक्रिय कोरोना संक्रमितहरुको संख्या ५८ सय नाघेको छ । मन्त्रालयका अनुसार हाल नेपालमा ५ हजार ८६९ जना कोरोनाका सक्रिय संक्रमितहरु विभिन्न आइसोलेशनमा उपचाररत छन् । त्यस्तै २४ घण्टामा कोरोना संक्रमणका कारण ५ संक्रमितको मृत्यु भएको छ । योसँगै नेपालमा कोरोनाका कारण ज्यान गुमाउनेको संख्या ११ हजार ९८२ रहेका छन् ।
सम्बन्धित समाचार
शीर्षकहर
थप
