नेप्सेमा सामान्य सुधार
काठमाडौँ, ८ बैशाख । आज नेप्से सामान्य अंकले बढेको छ । नेप्से परिसूचक आज ४.९४ अंकले बढेर २३२५ अंकमा पुगेको छ ।
आज १ अर्ब ६२ करोड रुपैयाँ बराबरको ३९ लाख ९१ हजार कित्ता सेयर किनबेच भएको छ । कारोबार सुरू भएदेखि नै घट्न थालेको नेप्से साढे २ बजेदेखि उकालो लाग्न थालेको थियो ।
यसक्रममा आज कारोबार भएका १३ मध्ये ८ समूहमा सुधार आएको छ । जीवन बीमा समूहमा ७४ अंक, अन्य समूहमा ३५ र विकास बैंक समूहमा ३५ अंकको सुधार आउँदा होटल र टुरिजम समूहमा ३० अंकको सुधार आएको छ ।
यीबाहेक, जलविद्युत समूह १० अंकले बढेको छ भने उत्पादनमूलक समूह १३ तथा लघुवित्त समूह ६ अंकले बढ्दा लगानी समूह ०.३४ अंकले उकालो लागेको छ । यसैगरी, आज निर्जीवन बीमा समूहमा ८५ अंकको गिरावट आएको छ ।
यस्तै, व्यापार समूहमा १८ तथा वित्त समूहमा १२ अंकले गिरावट आउँदा बैंक समूह ४ अंकले घटेको छ ।
आज ग्रिन भेन्चर्स लिमिटेड र जाल्पा लघुवित्त वित्तीय संस्थाको सेयर मूल्य १० प्रतिशतले बढेको छ ।
सम्बन्धित समाचार
शीर्षकहर
थप
