झापा, १५ माघ । कानकाई नगरपालिका–१ मा एक ७ बर्षीया छोरीलाई आफ्नै बाबुले बलात्कार गरेका छन् । छोरी बलात्कार गरेका अभियोग लागेको उनलाई प्रहरीले नियन्त्रणमा लिएको हो ।

३० वर्षीय बुबाले मादक पदार्थ सेवन गरी छोरीलाई बलात्कार गरेको बताइएको छ। जिल्ला प्रहरी कार्यालय झापाका अनुसार उनीमाथि हाडनाता करणी मुद्दा दर्ता गरिएको छ ।
हजुरआमासँग सुतिरहेकी छोरीलाई आफूसँग सुत्न बोलाएर करणी गरेको उजुरीका आधारमा उनलाई पक्राउ गरिएको प्रहरीले जनाएको छ ।




