क्यानाडामा पनि मङ्कीपक्सका सङ्क्रमण बढ्दै
एजेन्सी, साउन १९ । क्यानाडामा पनि मङ्कीपक्सका सङ्क्रमितहरु भेटिन थालेका छन् । हालसम्मा कम्तीमा ८ सय ९० जनामा मङ्कीपक्स संक्रमण भएको पाइएको बताएको छ र
यहाँका स्वास्थ्य संस्थाहरुले तीमध्ये ४ सय २३ जना ओन्टारियोमा पाइएको जनाइएको छ । यस सहरमा सुरुदेखि नै मङ्कीपक्सको सङ्क्रमण बढेको पाइएको थियो । क्यानाडाको नेसनल माइक्रोबायोलोजी ल्याबरेटोरीले यस मङ्कीपक्सको सङ्क्रमणको लगत राखेको र यस सम्बन्धमा अनुुसन्धान पनि गरिरहेको बताएको छ ।
यहाँको सरकारले मङ्कीपक्सका विरुद्धको कम्तीमा पनि ७० हजार खोप लगाउन तयार रहेको र ठूलो सङ्ख्यामा स्वास्थ्यकर्मी पनि खटाइएको बताउको छ ।
पछिल्ला केही महिनामा यो मङ्कीपक्सको सङ्क्रमण विश्वका कैयौँ देशमा पुगेको छ । यसका कारण विश्व स्वास्थ्य सङ्गठनले यसलाई स्वास्थ्य सङ्कटका रुपमा पनि घोषणा गरेको छ ।
सम्बन्धित समाचार
शीर्षकहर
थप
