नेप्से बुधवार पनि ओरालो, २ अर्ब ६६ करोडको कारोबार
काठमाडौँ, २२ मंसिर । आज नेप्से ५३ अंकले झरेसागै २४५५ अंकमा झरेको छ । यो अंक २०७७ चैत ४ (२४३१) गतेयताकै न्यून विन्दु हो ।
मुख्यतस् बैंकहरुमा तरलताको चरम संकट उत्पन्न भएसँगै बजार प्रभावित भएको हो । भदौको ३ गते कारोबार भइरहँदा परिसूचकले ३२ सय अंक नाघेको थियो ।
बुधबार जम्मा २ अर्ब ६६ करोड रुपैयाँको सेयर कारोबार भएको छ ।
बुधबार सेयर बजारका सबै उपसमूह राताम्मे भएका छन् । बैंकिङ २६, ब्यापार ९९, होटल तथा पर्यटन ७५, विकास बैंक १५१, जलविद्युत ८९, फाइनान्स ७४, निर्जीवन बीमा २३५, उत्पादन १७०, अन्य २२, माइक्रोफाइनान्स १२५ र जीवन बीमा उपसमूह २९४ अंकले घटे ।
यस दिन ७ कम्पनीको मात्रै सेयर मूल्य बढ्यो । स्टान्डर्ड चार्टड बैंकको मूल्य सबैभन्दा धेरै १.९४ प्रतिशतले बढेको छ ।
सम्बन्धित समाचार
शीर्षकहर 
