मोदीको अपिलमा घरभित्रको बत्ती ननिभाएको कारण चार मुसलमान दाजुभाइमाथि हमला
एजेन्सी, २५ चैत । भारतमा हिन्दु छिमेकीले चार मुसलमान दाजुभाइमाथि हमला गरेको छ ।
भारतीय संञ्चारमाध्यमका अनुसार हमलामा चार दाजुभाइ– ३६ वर्षका बशीर खान, ३४ वर्षका सादिक खान, ३२ वर्षका नजिर खान र ३० वर्षका सन्दीप खान घाइते भएका छन् । घाइते उनीहरुको हाल स्थानीय अस्पतालमा उपचारारत छन् ।
चारजनालाई धरिलो हतियारको प्रयोग गरी हमला गरेको जनाइएको छ । भारतको हरियाणाको जिन्द गाउँमा आइतबार राति प्रधानमन्त्री नरेन्द्र मोदीको अपिलमा घरभित्रको बत्ती ननिभाएको र बाहिर बत्ती नबालेका कारण छिमेकीले ती दाजुभाइमाथि हमला गरेको खुलेको छ ।
आइतबार राति प्रधानमन्त्री नरेन्द्र मोदीको अपिलमा घरभित्रको बत्ती ननिभाएको र बाहिर बत्ती नबालेका कारण हिन्दु छिमेकीले चार मुसलमान दाजुभाइमाथि हमला गरेका हुन् ।
मोदीले सबै जनतालाई कोरोनाभाइरस विरुद्धको लडाईंमा एकजुटता देखाउनका लागि आइतबार राति ९ बजे ९ मिनेटसम्म आफ्नो घरको बत्ती निभाएर ढोका बाहिर बसेर दियो वा मैनबत्ती बाल्न अपिल गरेका थिए ।
सम्बन्धित समाचार
शीर्षकहर
थप
