भारतमा कोरोनाबाट ज्यान जानेको संख्या एक हजार ७९ पुग्यो, ३३ हजार ६२ संक्रमित
काठमाडौं, १८ वैशाख। भारतमा कोरोना भाइरसबाट पछिल्लो २४ घण्टामा ६७ जनाको कोरोना भाइरसको कारण ज्यान गुमाएका छन् भने एक हजार सात सयभन्दा बढी नयाँ संक्रमित फेला परेका छन् ।
हालसम्म भारतमा ३३ हजार ६२ जना मानिसमा कोरोना भाइरसको संक्रमण पुष्टि भइसकेको छ । त्यस्तै भाइरसबाट ज्यान जानेको संख्या एक हजार ७९ पुगेको छ । ८ हजार ४३७ जना निको भएर घर फर्किएका छन् भने २३ हजार ५ सय ४६ जनामा अझै भाइरस सक्रिया नै छ ।
सबैभन्दा बढी प्रभावित बनेको महाराष्ट्रमा अहिलेसम्म करिब १० हजार मानिसमा कोरोना भाइरसको संक्रमण देखिएको छ भने ४३२ जना मानिसको मृत्यु भइसकेको छ । त्यस्तै गुजरातमा चार हजार ८२ जना मानिसमा यो भाइरसको संक्रमण देखिँदा १९७ जनाको मृत्यु भएको छ ।
त्यसै गरी मध्य प्रदेशमा पनि दुई हजार ५०० भन्दा बढीमा यसको संक्रमण देखिँदा एक सय २९ जनाको मृत्यु भइसकेको छ । भारतको उत्तर प्रदेशमा अहिलेसम्म दुई हजार १३४ जनामा कोरोना भाइरसको संक्रमण देखिइसकेको छ भने ३९ जनाको मृत्यु भएको छ ।
पश्चिम बंगालमा पनि ७५८ जनामा भाइरसको संक्रमण देखिँदा २२ जनाको मृत्यु भएको छ । बिहारमा ३९२ जनामा भाइरसको संक्रमण देखिएको छ भने दुईजनाको मृत्यु भएको छ ।
सम्बन्धित समाचार
शीर्षकहर
थप
