भारतमा कोरोना भाइरसको संक्रमण तीव्र गतिमा बढ्दै, पाँच सय ५९ जनाको मृत्यु
नयाँदिल्ली, ८ बैशाख । भारतमा कोरोना भाइरसको संक्रमण तीव्र गतिमा बढ्दै गएको छ । पछिल्लो २४ घण्टामा मात्रै १ हजार ३ सयभन्दा बढी संक्रमण देखिएको छ ।
योसँगै भारतमा कुल संक्रमितको संख्या करिब १७ हजार ६१५ पुगेको छ । भारतको स्वास्थ्य मन्त्रालयका अनुसार संक्रमितमध्ये २ हजार ८ सयभन्दा बढी उपचारपछि निको भएका छन् भने पाँच सय ५९ जनाको मृत्यु भएको छ ।
कोरोनाको संक्रमण नियन्त्रण तथा रोकथामका लागि भन्दै भारतमा मार्च २४ देखि लगातार लकडाउन गरिएको छ । तर केही दिन संक्रमणको दर झन् बढेको छ ।
स्वास्थ्य मन्त्रालले आइतबार पत्रकार सम्मेलनमार्फत भारतका ७ सय २० जिल्लामध्ये विभिन्न २३ प्रदेशका ५६ जिल्लामा विगत १४ दिनमा संक्रमण नदेखिएको जनाएको छ ।
संक्रमण उच्च देखिएपछि सोमबार मध्यरातदेखि लकडाउन खुला गर्ने यसअघिको घोषणा कार्यान्वयन गर्नेरनगर्नेमा अन्योल देखिएको छ ।
सम्बन्धित समाचार
शीर्षकहर
थप
