लोकसेवा आयोगको अध्यक्षमा रेग्मी सिफारिस
काठमाडौँ, २६ वैशाख । पूर्वसचिव माधव रेग्मी लोकसेवा आयोगको अध्यक्षमा सिफारिस भएका छन् । आइतबारको संवैधानिक परिषद्को बैठकले रेग्मीको नाम सिफारिस गरेको हो ।
पूर्वसचिव रेग्मी कांग्रेस सभापति तथा विपक्षी दलका नेता शेरबहादुर देउवाको कोटाबाट नियुक्ति सिफारिस गरिएको छ । झापा जिल्लाका रेग्मी केही समयअघि सर्वोच्च अदालतमा न्यायाधीश बनेका कुमार रेग्मीको सहोदर दाई पनि हुन् ।
कुमार रेग्मी गत फागुन २३ गतेको चर्चित फैसला गर्नेमध्ये एक न्यायाधीश हुन् ।
संवैधानिक परिषद्को बैठकले लोकसेवा आयोग, निर्वाचन आयोगलगायत रिक्त रहेका संवैधानिक आयोगमा पदाधिकारी सिफारिस गरेको छ ।
प्रधानमन्त्री निवास बालुवाटारमा बसेको परिषद्को बैठकमा खाली रहेका सबै आयोगमा पदाधिकारी नियुक्तिका लागि सिफारिस गरिएको छ ।
सम्बन्धित समाचार
शीर्षकहर
थप
