भरतपुर अस्पतालमा कोरोना भाइरस संक्रमितको उपचार गर्न आइसोलेसन वार्ड
चितवन, १८ माघ । यतिखेर चीनबाट फैलिएको कोरोना भाइरस विश्वभर फैलिरहेको छ । कोरोना भाइरसको कारण चिनियाँ नागरिकहरुलाई अरु देशहरुमा छिर्न रोक लगाइएको छ ।
कोरोना भाइरसको उपचारको लागि चीनमा छुट्टै अस्पताल निमार्ण भइसकेको छ । त्यस्तै नेपालमा पनि चीनबाट आएको विद्यार्थीमा भाइरसको संक्रम भएको पुष्टि भएपछि चितवनको भरतपुर अस्पतालले कोरोना भाइरस संक्रमितको उपचार गर्न पाँच शय्याको छुट्टै आइसोलेसन वार्ड बनाएको छ ।
अस्पतालको ‘ए’ ब्लकको तेस्रो तलामा यस्तो वार्ड बनाइएको जनाइएको छ । कोरोना भाइरसको संक्रमण देखिए वा आशंका लागेमा बिरामीहरुलाई उक्त शय्याहरुमा राखेर उपचार गरिने बताइएको छ ।
भरतपुर अस्पतालले कोरोना भाइरसको सम्भावित संक्रमण रोक्न पाँचबुँदे निर्णय पनि गरेको छ ।
सम्बन्धित समाचार
शीर्षकहर
थप
