संसद् विघटन गरेर ओलीले विदेशी शक्तिसामु आत्मसमर्पण गरे : अध्यक्ष प्रचण्ड

  • Avatar
    admin

    April 7, 21 12:38 pm

  • Comments

काठमाडौँ, २५ चैत । नेकपा माओवादी केन्द्रका अध्यक्ष पुष्पकमल दाहाल प्रचण्डले प्रधानमन्त्री केपी शर्मा ओलीले विदेशी शक्तिअघि आत्मसमर्पण गरेको आरोप लगाएका छन्।

Advertisement

आज (बुधवार) सल्यान पुगेका प्रचण्डले एक कार्यक्रममा ओलीले संसद् विघटन गरेर विदेशी शक्ति समक्ष आत्मसमर्पण गरेको आरोप लगाएका हुन्।

ओलीले संविधान च्यात्ने काम गरेका र कम्युनिस्ट पार्टी विघटन गरेको उनको भनाइ थियो।

उनले भने, ‘केपी ओली नामको व्यक्तिद्वारा संविधान मिचिदिने, किचिदिने, जनताको विकास निर्माण र समृद्धिको सपना किचिदिने र विदेशी शक्तिसामु आत्मसमर्पण गरे ।’

त्यस्तै सर्वोच्च अदालतप्रति लक्षित गर्दै नेकपा नाम विवादमा पनि उनले असन्तुष्टि जनाए।

मधेसका जनतालाई पनि लोकतान्त्रिक निर्वाचन ल्याएको र आफैँले देशमा सिंहदरबारको अधिकार गाउँ गाउँमा पुर्‍याएको पनि जिकिर गरे। यसरी आफूले देशमा राजनीतिक अस्थिरता नहुने सपना देखेको पनि बताए।

देश समृद्धिको बाटोमा लैजाने आफ्नै सोच रहेको उनले जिकिर गरे। उनले आफ्नै प्रस्तावमा देशमा कम्युनिस्ट पार्टीको एकताको प्रस्ताव ल्याएको दाबी दोहोर्‍याएका थिए। देशलाई विकासको बाटो लैजाने सपना पनि आफैँले देखेको उनले बताए। किसानको पक्षमा परिवर्तन ल्याउने पनि आफूले नै सपना देखेको उनले बताए।

तीन दिने जिल्ला दौडाहामा रहेका प्रचण्ड यसै क्रममा सल्यान पुगेका हुन्।