नारायण वाग्ले, खगेन्द्र संग्रौलासहित २० नागरिक अगुवा बालुवाटारबाट पक्राउ

  • Avatar
    admin

    June 11, 21 6:47 am

  • Comments

काठमाडौँ, २८ जेठ । प्रहरीले बालुवाटारमा प्रदर्शनमा उत्रिएका वृहत नागरिक समाजका २० जनालाई शुक्रबार पक्राउ गरेको छ ।

Advertisement

बालुवाटार अगाडि प्रदर्शनका क्रममा प्रहरीले नारायण वाग्ले, खगेन्द्र संगौला, युग पाठक र संजीव उप्रेतीलगायत २० जनालाई पक्राउ गरेको हो।

चिकित्सा शिक्षा आयोगमाथि राजनीतिक हस्तक्षेप भएको लगायतका विषयमा विरोध जनाउँदै विरोधमा उत्रिएका नागरिक अगुवामाथि प्रहरीले हस्तक्षेप गरेको हो।

नागरिक आन्दोलनले सत्तानिकट व्यक्तिको मेडिकल कलेजलाई सम्बन्धन दिने सरकारको तयारीविरुद्ध प्रदर्शनको तयारी गरिरहेकै बेला उनीहरुलाई प्रहरीले पक्राउ गरेको हो।

हाल उनीहरूलाई महानगरीय प्रहरी वृत्त, कमलपोखरीमा राखिएको छ।

सत्तानिकट व्यक्तिको मेडिकल कलेजलाई सम्बन्धन दिने सरकारको तयारीविरुद्ध प्रदर्शनको तयारी गरिरहेकै बेला आफूसहित २० जनालाई प्रहरीले नियन्त्रणमा लिएको नागरिक अगुवा नारायण वाग्लेले सेतोपाटीलाई जानकारी दिए।

यसैबीच कमलपोखरीका डिएसपी खुमलाल भुसालले निषेधाज्ञाको समयमा प्रदर्शनमा उत्रिएपछि आफूहरूले नियन्त्रणमा लिएको बताए।

भुसालले भने, ‘निषेधाज्ञाबीच उहाँहरू प्रदर्शनमा उत्रिनुभयो, त्यसैले हामीले नियन्त्रणमा लिएर कमलपोखरीमा राखेका छौँ ।’