तीन वटा बीमा कम्पनीले आपसमा गाभिने सहमति गरे

`

     २०७९ वैशाख २९ गते ८:३३
  • 13
    Shares

काठमाडौँ, बिहीबार २९ । गुराँस लाइफ इन्स्योरेन्स, युनियन लाइफ इन्स्योरेन्स,र प्राइम लाइफ इन्स्योरेन्स कम्पनीबीच एक आपसमा गाभिने सहमति भएको छ । तीनै कम्पनीका अध्यक्षहरुले सो सम्बन्धमा सहमती पत्रमा हस्ताक्षर गरेका छन् । कम्पनीको पुँजीगत आधारलाई मजबुत र सुदृढ गरी प्रतिस्पर्धात्मक क्षमताको विकास गर्दै बिमित, लगानीकर्ता लगायत सरोकारवालाहरुको दीर्घकालीन हित संरक्षण गर्ने लक्ष्य लिइएको छ।

यस्तै तीनै कम्पनीको वित्तीय, मानव संशाधन, प्राविधिक एवं अन्य क्षमता अभिवृद्धि गर्दै सेवाग्राहीलाई आधुनिक प्रविधिजन्य बीमा सेवा सुविधा प्रदान गर्न सक्ने अवस्था सिर्जना गर्ने, मुलुकमा जीवन बीमालाई सुशासित, सुरक्षित, स्वस्थ्य, कुशल तथा सक्षम एवं प्रभावकारी बनाउन सहयोगी भुमिका निर्वाह गर्ने र मुलुकको समग्र जीवन बीमा प्रणालीको सम्बर्द्धन गरी सो प्रति सर्वसाधारणको विश्वसनीयता अभिवृद्धि गर्दै बिमितको हित संरक्षण गर्ने उद्देश्य लिइएको ती तीन वटा बीमा कम्पनीले जनाएका छन् ।

यो खबर पढेर तपाईलाई कस्तो महसुस भयो ?